18
Sep
2021
Sidaamu Dagoomu Qoqqowi Mootimma Hawaasi Quchumi Tuulate Sonu quchumira latishshunna danchu Gashshooti aana illacha tugginno hasaawu bare assinoonni.
Barete leelle mannu foniisita kayiseenna(coyreenna) hasaawa massangohu ayirradu kalaa Dest Ledamuhu Sidaamu Dagoomu Qoqqowi presidaanticha ikkanna Quchumaho loosammonna loosamara hendoonni loosino danchu amanyootinni beeqqaanote shinqo.
Tuulate Sinu Quchumira 2013M.D loosammorinna 2014 M.D maa loonsara hendoonniro Hawaasi quchumi kantiibi kaa'laanchu pro. Tsegaye Tukehu shiqisheenna gambooshshu beeqqaano hala'ladunni hasaabino.
Hasaawu beeqqaano Tuula Sinu Quchumi giddo loosamorinna tayxera loosate mixo amandoonniri addinta naandanniha ikkasi xawisse loonsanna shiimmaaddu sae sae gantorinna gooffinokki loossa rahote gooffe loosu giddora e'onke yitanmo xa'mono kayiisinno.
Bare massaginnohu ayiradu kalaa Dest Ledamohu daga loosammorenna hoongore assite kayissino akata naade wo'manta hajo barete calla hasaambe gundanikkihura deerru deerrunku loonsanni gatire towaaxxa hasiissanno yee konni garinni torbinummoro tirreemokkiti daganke mitiimma dino yino.
Jeefoteno ayirradu presidaantichi alba addi addi korkaatinni dagate uynikki gattinno owaante aatenni dagate garuy soqqama hasiisanno yino.
Hasaawu gumulami gedensoonni Tuulate daga ayirradu kalaa Desta Ledamohuranna kaa'laanchu pro. Tsegaye Tukehu jawaata massagonsanni daganniti keeshshitinno xa'mo dawaro afidhinohura hagiirrensa afansha aatenni xawissino.
Baraarshu yannara geerru seemma gashshooteho sonto yee maassirinno.
H/Q/G/M/X/H/Biddishsha
Wocawaaro 07/3014 M.D
Hawaasa.