26
Jan
2024
H/Q/G/M/X/H/BIDDISHSHA
HAWAASA
''Wogate Latishshi Kawajjammenkera'' yaanno uminni wogate Industire loosu kaayyoranna miinju lophora noo injo xawisatenna muxxe Sidaamu daga donnanna hornyubba reqecco festivaale Arfaasa 21-25 geeshsha harinsanni.
Tenne hajo laise Sidaamu Dagoomu Qoqqowi Mootimma Woga, Turizimenna Ispoortete Biiro Sooreessi Kalaa Jaggo Agenyohu xawishsha uyino.
Kalaa Jaggo uyino xawishshi garinni; wogate festivaale lamalahu qaru guulchi Sidaamu dagata babbaxxitino donna, saga'linanni amuraate, Affini horoonsi'ne kipho tidhate amanyoote hattono dayoe bushshunna giddose noo hornya ilamate tareessatenni sa'ne gobbate giddonna gobbayidi qansootira reqeccisate.
Tenne festivaale fanote amuraate harinsannihu Arfaasa 21/2016 M.D ikkinota xawise; aantete noo shoole barrubbara festivaale qoqqowunninna federaaletenni dagge beeqqitanno addi addi dagoomu bissa reqecco towaanyo assitanno.
Tennerano babbaxxitino budu reqecco yaano kipho tidhate amuraate, hore, faaronna labbeemme budenke leellishate filloonni woradda shiqishanna daa''antannitano guwuursino.
Sidaamu Daga wole dagawiinni baxxinoha assannosehu Daae Bushshu amuraatenna hornyase tenne festivaalenni bowirsine leellinshannita kule; Affini hornya lainohunnino xiinxallote borro shiqqeenna hasaawa assinannita sooreessu egensiisino.
Ledoteno mitte lamala gedensaanni Ammajje 02/2016 M.D Affini hornya lainse loonsoonni filme shiqqannota xawisino.
Biiro Itophiyu Hoteelenna Turizime ledo waaxante 32 Sidaamu budu sagalla dani Hoteellate ‘'Meenu'’ qixxaabbeenna dikkote shiqqanno gede assa lendanna migiru loossanni wedellaho loosu kaayyo kalaqate Loosu, Dandootenna Interpirayzootu Latishshi Biiro ledo waaxante loosa hanaffinota egensiise; Qoqqowu giddo, Hawaasinna Addis Ababu Quchummara budu uduunne loosse hirate xa'midhinorira fajjo aate loosono loossanni noota kala